Padusi

Bak kato rang tuo kito koeh,
Jikok awak ingin manjadi pemimpin Perempuan, 
Mako Pahami bana nan ka di pimpin,corak tabiat jo parangai watak karakter rang padusi.
Tarlabiah dahulu ketahuilah tentang
riwayat kejadian asal muasal samulonyo perempuan, bahwa dikala
maso saisuak sangkek Adam surang diri mauni Taman Firdaus,
sadang nan lamak-lamak lalok Tuhan
patahkan tulang rusuaknyo bagian
nan kida paliang bawah, mako
terjadilah Hawa. Baitu Tuhan
manarangkan didalam Qur'an.
Sacaro filosofi kejiwaan,sifat-sifat
padusi indak jauah barubahnyo jo sifat asal kajadian.
Tulang rusuak
itu panjangnyo sajangka labiah
lebarnyo sajari kurang bangunanyo
bungkuak salayang,
diluruihkan raso tak mungkin
dibengkokkan bapantang patah,
lunak-lunak kareh malantiang,
sabantuak busur induak panah.
Itulah isyarat klisenyo baoan watak perampuan.
Inyo kareh tapi mahayuak bak per, inyo pendek tapi
lajangnyo jauah malayang, inyo
egois , inyo manjo, cengeng , paraso
hati , ingin dilinduangi.
Mangko kok lai bapakai sifat sabar
malakok jo kasiah sayang pahami caro manjinak'i mako dibaliak nan lamah lambuik
tasimpan daya kekuatan labiah bak bom jo mariam Tiang dek awak manembakkan...
Itu senyeh,
Lai ngarati sanak ndak?
Hehehehe.